اذبحيني ياعيون
اذبحيني يا عيون الشوق في أرض الأمل
اجرحيني واتركيني عذبيني فالغرام
أزرعي ورد المحبه في بساتين الخجل
وأغرسي في قلب مغرم كل أنواع السهام
لا يهمك من يلوم ولا يهمك من زعـل
دامني راضي بحبك أكتبي حلو الكلام
وارفعي راسك عزيزه شامخه مثل البطل
وان مشيتي مثل حره وان وقفتي ياسلام
وإن لقيتي قلب مغرم جربي فيه الملل
وان حكى لا تسمعين اللي نوى لك بالهيام
في غرورك كل معنى للتحدي والحيل
وفي عيونك شوق يولد كل يوم وكل عام
وفي شفاتك شيء ٍ أحلى من ينابيع العسل
وفي صفاتك مالقيت اللي يماثلها تمام
وفي خدودك كل ورد ٍ من بساتين النحل
وفي جبينك نور يسطع لو تشيلين اللثام
كل هذا جامعه وجهه ٍ كما القمرى كمل
والشعَـر من فوق وجه البدر يعطيه الظلام
والكتوف اللي عليها تجعل العاشق ثمل
لو طلبها ما لقاها ولو لقاها ما ينام
أشهد ان العشق بلوه لو حبيبك ما عـدل
وأشهد إني في هواها اكتسب قلبي وسام
قلبي اللي يوم شاف أوصافها فز وسأل
من هي اللي اخضعتني بعد ما كنت الإمام؟
صار قلبي في هواها مثلما حبل إنفتل
واصبحت أرض المحبه تنتظر وبل الغمام
يا عيون الشوق قلبي ما كواه الا المقل
عين نجلا لو تلد ابشوق تذبح فالأنام
وش بعد لا زينتها بالظلال وبالكحل
آه من عين ٍ تصوّب قلب عاشق مستهام
كل يوم أقول ترجع بس ما فيها أمل
صوبتني واتركتني وينها ؟ راحت مرام !
علمتني يوم غابت وش بدايات الفشل
وفهمتني درس ٍ أصعب من دراسات وعلام
فلسفات الحب صعبه فالمعاني والجمل
واختصار الفلسفة قلب ٍ تحديه انهزام
تعليقات
إرسال تعليق